Recent Posts

LENGA VIVA – Universitat occitana d’estiu de La Guépia 10-15 de julhet 2016

OBRADOR DE REVIRADA

• Inscripcions a l’Universitat occitana de la Guépia 2016 veire  : http://lengaviva.com

• Obrador de revirada : Bulletin d’inscripcion çai jos a enviar a Sèrgi Carles que vos mandarà per corrièl o corrièr postal los tèxtes a revirar e los documents per l’obrador.

Augan, trabalh de revirada-adaptacion de tròces de « Le Roman de Renart » a l’escasença del projècte d’edicion de tròces causits pel collègi del CAP’OC (Réseau Canopé).

• Reviradas a mandar a S. Carles [serge.carles@wanadoo.fr] pel 1^er de julhet 2016 per tal de poder aprestar l’obrador, e abans se podètz.

• Convèrsa e trabalh collectiu dins un ambient al còp plan destendut e plan estudiós ;

• Enriquesit dels apòrts de personas de generacions e de percorses professionals e individuals diferents, d’unas de lenga occitana mairala.

• En partent de las reviradas e de l’expériencia lengatgièra dels participants (ensenhaires d’occitan de l’escòla o de las associacions, traductors de l’edicion literària o escolara, animators de radiò…) ensajarem de menar une reflexion linguistica e literària necessària als transmetors e utilizators de l’occitan.

• L’edicion d’un classic en tròces causits pels escolans del collègi qu’an un ensenhament en occitan (istòria, geografia e lenga) es una bona escasença per aver una reflexion practica e concrèta sus la lenga prepausada a l’escòla, las òbras estudiadas e las coneissenças en question.