Lenga Viva es una associacion lei 1901 que mèna d’accions per fa viure la lenga e la cultura occitanas. Dempuèi sa creacion en 2001, Lenga Viva a causit
de mostrar que l’occitan pòt èsser utilizat tan dins l’espaci creatiu coma dins lo saber dels especialistes. L’objectiu ? Favorisar los rencontres entre lo monde, las idèas, los estiles d’expression.
L’Universitat Occitana d’estiu de
La Guépia, qu’es aquò ?
Dempuèi 2002, l’associacion e sos benevòls organizan l’Universitat Occitana d’estiu de La Guépia : una setmana estivala animada per de cconferéncias, de talhièrs de lenga, de dança o de cant, de concerts, e d’encontras. Tot aquò, plan segur, a l’entorn de la lenga e de la cultura occitanas.
« La Guépia » es doncas un luòc e un temps d’ensenhament, d’animacion, d’estudi, mas es tanben, una endevenença mannada de rencontres (e de convèrsas) improbables endacòm mai : los escolans dels corses pòdon parlar amb d’occitanofònes “naturals” del vesinat coma amb d’escrivans, d’intellectuals e d’artistas de renom, los vièlhs savis als joves lançats, la cultura sabenta rencontra la cultura populara, los estrangièrs rencontran los del país sus de questions d’istòria e de patrimòni.
Tot aquò dins un ambient al còp estudiós e pausadís, amb los pès chimpats dins l’aiga de Viaur e d’Avairon, e amb la consciéncia d’aprestar, en primadièrs, l’avenir del país.
Organisators : Lenga Viva, Carrefour Culturel Arnaud-Bernard, Escambiar
Partenaris : associacions CITRUS, Lez’Art Festival.
Qual sèm ?
Lenga Viva es la frucha d’una collaboracion entre divèrsas personas engatjadas dins lo moviment occitan a La Guépia, en Miègjorn-Pirenèus e endacòm mai.
President de l’associacion : Claude Sicre
Clavaire: Svante Svahnström
Administrators : (en cours de mise à jours)
Coordination : David Brunel
Ont sèm ? 
L’associacion es ancorada a La Guépia, vilatge del Tarn e Garona, en Miègjorn-Pirenèus :
Pingback: Universitat Occitana de La Guépia | CAOC.cat