Dissabte 18 de julhèt de 2015


Grand fèsta de la lenga d’òc, o occitan,
de Roèrgue, Albigés, Carcin, e de pus luènh

Matin (a partir de 11h)
Mercat païsan, biò, local, cultural. Animacions, rencontres amb los
autors e editors presents. Repais dels productors jol mercat cobèrt. O
restaurants de La Guépia.
Après-dinnar (dintrada gratuita)

Concors 14h30
Teatre 17h : Lo fiançat de l’Hermine de la tropa Expression 176 de La Salvetat-Belmontet (82)
Participacion liura a la despensa pel public fòra universitat.
Remesa dels Prèmis 18h : Adultes : 1èr Prèmi : 500 €, 2nd : 200 €, 3en : Libres, CD. Joves : (mens de 16 ans) : 1èr Prèmi : 50 €, 2nd : 30 €, 3en : 20 €, Libre, CD als autres participants.
Aquel concors es dubèrt a totes, l’inscripcion es gratuita.
Après la capitada de 2014 (25 contaires, un centenat d’espectators), l’edicion de 2015 se dubrirà amb un concors pels joves. Una jurada locala e internacionala, presidida pel famós contaire PADENA, saurà escotar los aplaudiments del public e presarà al còp la qualitat de l’umor e la qualitat de la lenga.
MESFISATZ-VOS ! Tot lo monde pòt ganhar !
Es pas lo saber dels libres que farà la tria mas l’intelligéncia populara de la lenga e l’intelligéncia del dire e del dich, que totjorn fan pas qu’un. E plan souvent, çò pus simple es çò pus fort.
Ne tenètz una de plan virada del pairin o de la mairina ? Avètz al cap una brava galejada del Jacotin ? N’avètz una en francés que vos carratz d’escotar e vos agradariá de l’adaptar a l’occitan e al país ? Avètz enveja de n’escalcir una per dire las quatre vertats als que volètz ? Alara, avètz vòstra plaça al concors, e aquò’s pas la durada del raconte çò principal, far cort, sovent, es far melhor. E se, al contrari, avètz al còr de nos esmòure e de nos far plorar, tan melhor !
Tre ara, vos podètz apracticar amb los amics. Per 2015, 2016… e mai mai (dins 5 ans, lo primièr prèmi serà de 5000 € !) Cada candidat poirà contar dos racontes.